六両三

Open Now

Now Closed

喺門外見到呢間餐廳可能會以為佢係日本餐廳，但其實呢度係專做台灣地道菜嘅！一身木色打扮同傢俬都滲透出一陣台灣古早味～店內可以見到師傅嘅煮食過程，見師傅好認真仔細，每次都會量過麵條重量再煮。牆壁上嘅毛筆字寫咗師傅嘅宗旨 — 唔用味精！見到呢句都食得放心啲喇。果然係主打牛肉湯底，牛肉麵有好幾款嘅選擇，另有啲台式小食。皮蛋豆腐冰涼清爽，上面加咗整半個皮蛋，再撈埋啲木魚絲同豉油膏，啱哂夏天熱辣辣食又開胃～百頁豆腐同我想像中有啲唔同，但質感都唔錯，清清哋配甜醬又幾好喎。湯底應該熬咗好耐，散發出清甜嘅牛肉味，但又唔會太濃而遮蓋牛肉味。牛肉同牛筋都唔少，牛筋比較軟熟，反而少咗啲彈牙感，牛肉嘅質感幾好，幾入味～蔥油麵嘅油份量控制得好，唔會食到好膩但麵條又唔會好乾，惟肉碎比較少。