銘陽車仔麵 (Moved) New Location

前排上美食網睇到有人介紹呢間幾好食，所以專程由西灣河嚟到荃灣試下，果然冇介紹錯呀！不枉我由咁遠嚟食呢間。去到發現啲侍應服務態度好好，唔會好冷淡，人情味濃厚，同埋間鋪嘅環境令人覺得好舒服，好自在，食野嘅時候都食得舒服啲。我叫咗一碟椒鹽雞翼同酸菜牛腩蘭州拉麵，雞翼嘅味道好特別，同出面嘅好唔同，咬落去皮脆肉嫩，有少少鹽味 但又唔會太咸，味道啱啱好，至於個拉麵份量足夠，麵條口感好彈牙，而牛腩肉質夠嫩，肥瘦適中，亦唔會太過硬，唔會過分＂淋＂，牛腩脂肪嘅部分唔會太過油膩。