嘉寶漢堡 (嘉寶大廈)

Open Now

Now Closed

下午揸車路經葵涌附近，朋友見到呢間漢堡長期排長龍，好奇係有啲咩咁好食。上網即刻search吓，話呢間香港本地做嘅漢堡好食到連M記都打低，自問都食好多唔同地方嘅漢堡包，中環、銅鑼灣、鰂魚涌、尖沙咀，再加埋其他出名漢堡連鎖店，食均全港九嘅好味漢堡包，但就係未試過呢間本地製作，所以即使見到餐廳出面路面有工程進行中，又挖地、又有塵、又曬，但都排咗15分鐘隊買嚟試吓。太多人排，唔好意思慢慢諗，所以叫啲最穩陣，個餐牌其實勁多選擇，有牛羊雞豬任你換。仲可以加料，但我見太多人排就快快手揀啲熱門嘅包就算。烤菇芝士牛堡，好味香辣羊堡，好味薯條幾特別，粗條型$110 連埋汽水飲品，超平，性價比非常之高。