霹靂南洋 (Ladder Dundas) (Closed)

自己好少寫食評，第一次黎尼間野食馬來菜，裝橫舒適，音樂柔和，我地叫咗個霹靂仁當牛腩煲，佢個汁係馬來地道咖哩，除咗有牛腩，仲有薯仔，響鈴同豆卜，非常惹味可口，牛腩入口唔韌，仲有佢個撈摻摻幾特別，係油麵加米粉，撈下d咖喱汁食好正佢依家叫牛腩煲會送你兩個火鍋配料食，我地叫咗安格斯肥牛同魷魚，落個煲滾兩滾，同樣美味。值得一提係佢地嘅參巴醬好正，係廚師自己抄，撈埋落撈摻摻一流。另外我地叫咗一杯話梅甘桔凍飲，食完咖哩飲特別消滯！無論野食同環境，都值大家去試一試！