Video
Read full review
2019-12-09
163 views
※本文以用餐當日的環境、服務和食物質素為準，口味亦因人而異，文章只作參考之用。-最近愈來愈多以炸天婦羅丼飯「日本天丼」而聞名的餐廳進駐香港，其中一間就係來自日本新宿有多間分店的「天吉屋」。「天吉屋」既香港第一間店座落係朗豪坊，大約都開左半年，網上見到評價都唔錯，同咖哩人放工就去試下。.我地被安排的二人座位，說真的比較迫狹，放了兩個套餐後都已經無位放其他野。不過香港寸金尺土，明白既....勝在唔使搭檯會比較自在。.翻開餐牌，主打幾款丼飯，包括以店名命名的「天吉丼」、「天幕御膳」、「軟殼蟹丼」、「All Star丼」同「天吉雙品」，貴精不貴多。.如果比較大食既建議其中一位可點「天幕御膳」，因為呢款係唯一可以免費加飯的。.這裡的椰菜沙律、蘿蔔漬、牛蒡漬同牢蒡茶都可係無限供應架，好鍾意飲牛蒡茶，解膩之餘仲可以促進腸胃健康，要飲多幾杯先得！😆.*佢地每款丼飯都會跟上一碗味增湯，入面仲加左白蘿蔔同豆腐等，飲落帶清甜既味道。.天吉丼 $118小妹就叫左用店名命名既天吉丼，天吉丼更連續五年榮獲日本天丼金賞，感覺相當厲害！.一睇呢碗丼既飯量絕不惹少，炸至金黃色的天婦羅堆砌得滿滿，面頭淋上帶甜的「秘製天丼
-
最近愈來愈多以炸天婦羅丼飯「日本天丼」而聞名的餐廳進駐香港，其中一間就係來自日本新宿有多間分店的「天吉屋」。「天吉屋」既香港第一間店座落係朗豪坊，大約都開左半年，網上見到評價都唔錯，同咖哩人放工就去試下。
.
我地被安排的二人座位，說真的比較迫狹，放了兩個套餐後都已經無位放其他野。不過香港寸金尺土，明白既....勝在唔使搭檯會比較自在。
.
翻開餐牌，主打幾款丼飯，包括以店名命名的「天吉丼」、「天幕御膳」、「軟殼蟹丼」、「All Star丼」同「天吉雙品」，貴精不貴多。
.
如果比較大食既建議其中一位可點「天幕御膳」，因為呢款係唯一可以免費加飯的。
.
這裡的椰菜沙律、蘿蔔漬、牛蒡漬同牢蒡茶都可係無限供應架，好鍾意飲牛蒡茶，解膩之餘仲可以促進腸胃健康，要飲多幾杯先得！😆
.
*佢地每款丼飯都會跟上一碗味增湯，入面仲加左白蘿蔔同豆腐等，飲落帶清甜既味道。
.
天吉丼 $118
小妹就叫左用店名命名既天吉丼，天吉丼更連續五年榮獲日本天丼金賞，感覺相當厲害！
.
一睇呢碗丼既飯量絕不惹少，炸至金黃色的天婦羅堆砌得滿滿，面頭淋上帶甜的「秘製天丼醬汁」，賣相非常吸引！當中既天婦羅包括：黑虎蝦（海老）、魷魚、海紅鯛、茄子、南瓜、四季豆、炸紫菜、溫泉蛋。
.
佢地既天婦羅每款都炸得好酥脆，夠乾身，咬落去感覺油份唔多；就算放耐左，食落都唔會出現嚇人既油溢味。
.
仲有佢地既海老係用上爽口彈牙既黑虎蝦，配上特別既「雙蝦炸法」，呈現如木筏的樣子真係第一次見，確係唔錯。
.
其他炸物都保持到佢地既原汁原味，唔會有炸粉皮分離既情況出現，香甜既炸南瓜，仲有一篤就穿既溫泉蛋，勁香口既炸紫菜都係我最愛。加上秘製既醬汁和柚子皮，多了一份清幽，可減低炸物帶來的飽滯感。
.
仲有佢地既飯用上「北海道七星米」，飯粒食落軟糯，帶點黏黏的質感，光用醬汁拌飯都好食！
.
天幕御膳 $148 （米飯無限添加）
.
男人既天幕御膳有三種食法（圖示）
將蘿蔔泥和薑末放入天婦羅醬汁，再蘸黎食
將天婦羅放在米飯上，加入天丼醬汁後品嚐
天茶泡飯，在米飯上淋上鰹魚汁，再添加芥末和紫菜再品嚐。
.
呢份天幕御膳都頗豐富，同天吉丼既天婦羅相比會多左炸軟殼蟹，海紅鯛又會跟左紫蘇葉。海紅鯛魚肉質食落係嫩滑既，不過當中有唔少細骨（吞唔到個種），對於不擅吐魚骨的會有點狼狽呢，始終食天婦羅都比較想啖啖肉吧！不過咖哩人就話好食，食完會好滿足。
Post
