大師傅 (Closed)

好耐之前黎過大師傅食早餐 今次就想試試午餐既水準 叫左一份香燒黃金豬頸肉飯 $45 外賣加一蚊 如果想跟熱飲加三蚊 要湯同菜再加八蚊定十蚊 我就不了 飯唔算多 淋上少少甜豉油 飯量一個人食岩岩好 豬扒反而有驚喜 份量夠你送飯送到最後一啖 都仲有得剩 哈哈 佢有個細盒仔另上一個辣辣地既sauce 有啲似泰國餐廳會比既sauce 幾惹味 但因為豬頸肉份量唔少 啲sauce就反而唔夠點啦 呢個價錢無例湯熱飲呢就非常一般啦 始終深水埗既餐廳多而高水準嘛 不過都可以一試既