Video
Read full review
2018-07-18
409 views
今日女朋友突然話想試新既中東菜咁岩睇到呢間評價好多就決定問下餐牌同價錢當時回覆我嘅人非常友善，有問必答(fb&wts)而且一問之下原來唔一定跟餐牌嚟食如有需要可以由佢幫你定制一個套餐，之後再報價錢(呢度全程係講中文，唔怕唔識)如同大部份既朋友仔一樣，第一次去係唔識路的(因為冇招牌)當你見到個裝修比較企理嘅牆，右手邊度門就係入口一開門會有一個外國大廚熱情招待(呢到就要識英文對答了真係唔掂可以叫返wts既人幫手)講返重點：食品由於食品係即時整,所謂好食需要時間如果趕時間請事前講明佢幫我地定制既餐係2人份既湯&沙律&烤薄餅&餐飲個湯係扁豆湯,新鮮熱辣整出黎,飲落去非常可口,加上本人特別選既hummus配烤薄餅作為前菜好開胃但係怕食辣既朋友記得要事前講聲,因為個紅色粉末有少許辣,餐飲方面可以由大廚推薦或者係餐牌任揀2個主菜3選2(烤雞，羊腿，烤魚蔬菜)由於唔想食太多肉,所以選羊+魚(雖然大部分都話烤雞最好食)羊肉跟雜菜一齊慢煮,成品酸酸地,好下飯,而且飯本身用香料整,加埋一齊食,既清新又岩胃口,清真羊肉嫩滑唔臊(骨入面既骨髓先係精華)魚經過慢烤,外皮酥脆,而且唔腥,配上底下既薯蓉,可以當一個正
咁岩睇到呢間評價好多
就決定問下餐牌同價錢
當時回覆我嘅人非常友善，有問必答(fb&wts)
而且一問之下原來唔一定跟餐牌嚟食
如有需要可以由佢幫你定制一個套餐，之後再報價錢(呢度全程係講中文，唔怕唔識)
如同大部份既朋友仔一樣，第一次去係唔識路的(因為冇招牌)當你見到個裝修比較企理嘅牆，右手邊度門就係入口
一開門會有一個外國大廚熱情招待(呢到就要識英文對答了真係唔掂可以叫返wts既人幫手)
講返重點：食品
由於食品係即時整,所謂好食需要時間
如果趕時間請事前講明
佢幫我地定制既餐係
2人份既湯&沙律&烤薄餅&餐飲
個湯係扁豆湯,新鮮熱辣整出黎,飲落去非常可口,加上本人特別選既hummus配烤薄餅作為前菜好開胃
但係怕食辣既朋友記得要事前講聲,因為個紅色粉末有少許辣,餐飲方面可以由大廚推薦或者係餐牌任揀2個
主菜3選2(烤雞，羊腿，烤魚蔬菜)
由於唔想食太多肉,所以選羊+魚(雖然大部分都話烤雞最好食)
羊肉跟雜菜一齊慢煮,成品酸酸地,好下飯,而且飯本身用香料整,加埋一齊食,既清新又岩胃口,清真羊肉嫩滑唔臊(骨入面既骨髓先係精華)
魚經過慢烤,外皮酥脆,而且唔腥,配上底下既薯蓉,可以當一個正餐咁食
食完休息左陣就上埋甜品同大廚特別免費沖既茶
雖然大廚話呢個唔係布丁
但口感非常相似,而且味道比起附近幾間菲律賓餐廳都好好多,奶味適中,適當既甜度,食落有質感,加上少量肉桂粉,味道有層次
成個餐食完好滿足,飽到上心口(大廚重話因爲我地一早訂所以貴賓招待，大份D)
食既途中問我地要唔要戴民族帽影相留念
見幾得意所以俾佢影咗幾張將來有機會放上宣傳
成餐飯大概400左右,一分錢一分貨,唔算離地
Post
