科記咖啡餐室

Open Now

Now Closed

都唔係第一次去，不過每次都等好耐。有時係大排長龍，今日好彩無排長龍，但都等左半個鐘，我係講個豬扒飯。出餐速度真係世界級⋯所以趕時間趕行程既朋友千祈唔好去。講番正題，午市有餐，但最好食既豬扒菜飯無餐，淨豬扒飯係有啲dry，跟餐既飲品同老火湯都係二揀一，又係食客的抉擇，豬扒飯跟湯$61，如果散叫豬扒菜飯跟湯就要$71，如果要加埋杯凍檸，完美combo就要$88.....有點貴了。凍檸以前飲過，正常好飲。豬扒係好食既，應該係老抽整，不過平凡見真章，係對得住金牌個名，你俾枝老抽我我都整唔到。嗰日去個湯係亮點，海帶水草湯，真材實料，清熱一流。會唔會再去，得閒都會去翻尋味既。