博多拉麵別天神 (Closed)

好耐冇食拉麵啦，經過見到有呢間博多拉麵別天神就入黎試下。雖然舖仔細細，但竟然都有自助機買拉麵，不但可以用八達通，仲可以用信用卡，好方便。我同朋友分別叫左別天神既豚骨拉麵同蝦味噌拉麵套餐。拉麵真係幾出色，因為豚骨湯底濃，蝦味噌湯底鮮，飲完一啖會再想飲多幾啖，最重要係冇味精，因為我差不多飲晒d湯底麵唔會覺得口渴。拉麵既麵比較幼身，但唔會因為咁浸得耐就林晒，仍然保持到口感。溏心蛋比足一隻，而且溏心做得剛剛好。至於叉燒，比其他地方食到既瘦，正合本人口味，但朋友喜歡食肥d既叉燒，就略嫌太瘦喇。價錢大約一百多少少既套餐仲包小龍蝦蟹籽沙律或餃子4隻。個人覺得沙律正d，真係有蝦肉，蟹籽亦增加左口感。鐘意食拉麵既朋友麵可以黎試下。