堅信號上海生煎皇 (將軍澳廣場)

Open Now

Now Closed

去睇戲之前我哋去左揀咗呢間「堅信號」嘅食肆食嘢。佢哋嘅生煎包、小籠包同埋酸辣湯，真係快食之選。哩啲食物上菜速度好快，唔使等好耐嘅時間。同埋我好趕時間，所以好岩我！生煎包嘅外皮好香脆，裡面嘅肉汁好多好好味。食既時候要小心，因為入面啲湯會漏出黎！小心燙咀。至於小籠包，呢個就要等左一陣，唔知係唔係即蒸，唔係話好薄皮，但味道唔錯。餡算係多，肉鮮。唯一就係吴薄皮，如果係薄皮多汁會更好🫣另酸辣湯正正常常，味道一般，酸酸辣辣，開胃又唔會太辣。湯入面仲有豆腐同埋木耳，個口感豐富，唔係齋水稀稀果種。我有食佢個水餃🥟，我朋友最愛。我自己就一般。都係正正常常，無咩特別。「堅信號」係一個不錯嘅速食之選，特別係如果趕時間或時間有限既你！特別推介都係佢地生煎包，其他一般。