米線哥 (Closed)

今日出左去旺角太子行街搵食，去左最近好多網紅推介既米線哥，聽講CP 值高大大個碗。可能有人推介， 都等左半個幾鐘先排到，不過為左試新野咁都要排下既。有大中小辣，勁辣 同超勁辣 就加$1，除清湯，其他湯底都加$1 巴蜀酸辣就加$2。今次就選左 蜀地川風水煮系烈 既D1 水煮肥牛片米線$55 試下個大辣，加 $5 有凍熱飲。 另一碗我地就叫左藥膳麻油雞米線$52。水煮肥牛片米線，有滿滿生蒜蓉加大豆芽，我最愛就係生蒜，食什麼都愛加。個大辣都好正可食用情度，岩晒食很辣既人，肥牛都好靚，有野菌雲耳做配料，米線真係幾足料，都幾滿足。麻油雞米線，好香麻油味，雞好滑，有金菇，蟲草花，個湯底都一流。睇見個碗就知有幾好味啦，全部清晒。