Mashi No Mashi

Open Now

Now Closed

幾個月前見到有報導碧咸都去食，一路都好想去試，今日突然間又心血來潮，就去左試喇。營業時間係6點，小弟同女朋友兩個5點45分左右去到，前面已經有十多人了。佢地得12席，所以都要等頭一輪食完先有得食。全電子化既售票機，只接受八達通，VISA/Master paywave 同 American Express，要注意呵。上菜前既指定動作，一黎係佢地既特式，二黎係俾你影相打卡用，都算係一個賣點。特製和牛沾麵可揀凍湯/熱湯，小弟點左熱湯，湯牛味好濃好正，荀有好多，一d都唔孤寒，塊和牛好滑好好食。和牛丼將和牛片火炙左，再放上飯面，肉汁流返落個飯度，加埋個蛋黃撈飯，小弟認為比特製和牛沾麵好食。和牛餃子其實都好香牛味，可惜因爲和牛丼同特製和牛沾麵太好食既關係，令餃子感覺比較遜色，其實去之前都睇過聽過好多食評，好壞反差極端。小弟食完就認為好好食喇，只係價錢確實係貴左d既。