Video
Read full review
2021-03-21
308 views
雖然疫情都係反覆唔定，但近排好似好返少少，咁我就約咗朋友去灣仔呢間食地中海嘢食的餐廳到食生日飯， 其實呢間餐廳啲佈置都唔錯，而且都幾幽靜及坐得舒適 。 我自己都幾like 。因為之前佢請過我食飯，所以今日就好少少請返佢食餐好。 咁我哋叫咗個set dinner裏面有8 courses如以下:Crab and Lobster Bisque: 龍蝦湯幾特別 因為佢夾雜住一啲蟹肉碎同龍蝦碎肉， 而且龍蝦湯都算幾有鮮味，再加埋嗰啲cream 我覺得唔錯不過如果再結少少嘅話我覺得更加好。Tuna Steak: 呢一個係餐前嘅小食 ，吞拿魚加咗少少芒果salsa， 酸酸地 ，吞拿魚都有佢嘅鮮味，感覺幾特別。 以上高就有少少清菜，令到成碟都更加唯美。Oysters: 芝士焗蠔入面有啲菠菜 感覺幾得意同埋最後Oysters都幾新鮮，點落啲鹽到鹹鹹哋幾好食。Foie Gras: 鵝肝半身煎咗出嚟，賣相都幾好 ，而且佢用咗個汁去煎封咗個鵝肝，食落去有幾種層次，食完之後你可以點少少個蛋漿，令到鵝肝有唔同嘅食法，不過我幾鍾意點佢個蛋漿 ，因為無咁油膩。 如果可能加少少snack去食個鵝肝可能會更加好。Seas
Crab and Lobster Bisque: 龍蝦湯幾特別 因為佢夾雜住一啲蟹肉碎同龍蝦碎肉， 而且龍蝦湯都算幾有鮮味，再加埋嗰啲cream 我覺得唔錯不過如果再結少少嘅話我覺得更加好。
Tuna Steak: 呢一個係餐前嘅小食 ，吞拿魚加咗少少芒果salsa， 酸酸地 ，吞拿魚都有佢嘅鮮味，感覺幾特別。 以上高就有少少清菜，令到成碟都更加唯美。
Oysters: 芝士焗蠔入面有啲菠菜 感覺幾得意同埋最後Oysters都幾新鮮，點落啲鹽到鹹鹹哋幾好食。
Foie Gras: 鵝肝半身煎咗出嚟，賣相都幾好 ，而且佢用咗個汁去煎封咗個鵝肝，食落去有幾種層次，食完之後你可以點少少個蛋漿，令到鵝肝有唔同嘅食法，不過我幾鍾意點佢個蛋漿 ，因為無咁油膩。 如果可能加少少snack去食個鵝肝可能會更加好。
Seasonal Clams: 有少少檸檬草，再加上蒜蓉 ， 蜆肉都幾大隻下 ，另外佢加咗檸檬草所以成個感覺幾泰式吓， 最大特點就係佢個汁都幾creamy。 我忍唔住都飲咗佢個汁， 因為都幾似湯汁。
Whole Lobster: 呢個龍蝦其實都唔需要點講嘢，因為佢啖啖肉好有龍蝦嘅鮮味， 而且 啲龍蝦膏甜， 所以呢一道菜我覺得呢個龍蝦係我心中實佔一席位，肯定係主角之一，另外下少少沙律菜，令到個龍蝦唔係太油膩， 唔係太滯，所以建議食龍蝦之餘順道食埋啲菜。
45 days Dry Aged Greater Omaha Striploin: 呢個牛扒其實最大特色就係佢風乾咗，好似你食西班牙火腿咁樣，不過佢風乾得嚟肉仲保持彈性，而且亦都可以鎖到佢個肉汁，再加埋佢個cream source，食落去更加有層次，另外不得不提就係佢旁邊有小小炒雜菜同一啲菇，係用四川炒法去炒 。 煮法新穎，本人見識了。
最後我同我朋友食埋個甜品就閃人，至於今日個甜品就係心太軟同檸檬撻， 其實個心太軟都唔錯因為我比較鍾意食朱古力 ，呢一間餐廳畀我印像都幾positive ， 同埋個環境都唔錯，可以帶朋友嚟食生日飯或者係一啲喜慶節日嚟慶祝因為環境唔錯。 如果未食過地中海菜嘅朋友可以嚟試下。
Post
