聚一起牛什粉麵 (Closed)

聚一起今天正式開張，特意去試吓佢哋嘅招牌菜崩沙牛腩，下午約四點到達麵店，店內老闆正與員工同朋友（清一色年青人）慶祝新店開張，沒有其他客人，一位年青人過嚟問我要不要安排外賣，我說是專誠幫襯，可以堂食嗎？年青人禮貌地招呼我入座，我點了個崩沙腩、牛肚麵，牛腩炆到軟硬適中，牛肚很入味，麵很彈牙，湯底濃郁同一啲都唔覺得肥膩，整體來說，好食，下次可以試佢哋嘅牛筋、豬腳同牛雜，仲有佢哋嘅飲品檸檬茶，期待再聚一起。