吉壽日本料理 (Closed)

上星期五，舊同學約我出嚟食飯，他們說在網上看過食評對吉壽評價不俗，而且還可以在雜誌剪Coupon出來用，所以決定嚟呢間試下。8：45閞始，我們一行六人8：30來到已可入座，餐廳面積唔大，桌子小，座位空間唔多，有點窄的感覺。我們一坐低就馬上點了好多食物，不到幾分鐘，一大盆刺身就送到我們面前，跟住其他食物亦陸續送上，轉眼間整張枱已經放滿了食物，上菜速度都幾快。刺身種類都算多，件件厚切又新鮮，而且叫幾多嚟幾多，更有我至愛的北寄貝食㖭!壽司和卷物就一般，但味道都OK嘅!炸物方面最好味係天婦羅，粉漿薄而脆，虎蝦大隻又有口感，吉列𧐢也不錯。最令人失望係炸蟹鉗，完全沒有味道。至於燒物例如焼羊架丶牛肉串丶燒海蝦丶焗青口都好有水準，而我最鍾意食燒蕃薯仔和芝士魚餅，真係好好味!我食完再Encore。至於其他熟食例如雪花牛柳粒丶日式炒蜆丶地獄汁尤魚鬚等都可值得一試，特別係牛乳海鮮鍋更是必食推介，湯底又香又滑，用料十足，非常好味!正!正!正! 整體來説，環境雖然普通，但食物質素搭夠，服務態度都唔差，價錢亦算合理，如果我再食放題，一定會再嚟呢度食。