Video
Read full review
2013-04-30
30 views
有一段時間冇寫食評，今次特登黎寫係為左呢間餐廳—抹茶館。抹茶館係我喺屯門最常食嘅餐廳之一，當越黎越多以「日本菜」為名嘅餐廳進佔屯門市中心嘅時候只有呢間抹茶館係冇令我反感，主要係佢比我嘅感覺係有心思﹑有主題同特式，呢個就係我第一次去光顧嘅原因啦。首先佢餐牌上面選擇唔多，甜品同食物大概各佔一半，而食物種類亦只有烏冬同飯(最近見佢多左新款)，不過如果食物質素好咁反而比選擇多更加好。第二係餐廳嘅格局，地方整潔企理，空間亦幾闊落，可能係因為佢某程度係一間cafe比人可以叫一杯野飲慢慢坐，所以對客人嘅舒適感亦有顧及，唔似得元朗某日本餐廳明明係大把位都要你迫去同人搭檯(諗起都把火)。通常我都九點後先去，所以唔洗點排隊，對於店員嘅服務我亦幾滿意(我同朋友2個人去不過拎住好多野，店員都肯安排4人位比我地)，我覺得店員幾有禮貌，見之前有唔少食評都係話店員嘅服務有問題，午市嘅情況我冇辨法比意見，不過就晚間嘅情形黎講我覺得係可以接受嘅。好啦，講左咁耐都係時候要講講啲食物﹗今次我地2個人點左：如果淨係以價錢黎睇可能會令人感覺有啲貴，不過你如果以cafe嘅價錢去睇，咁其實都相當唔錯，第一係食物份量足夠，一個大男人
抹茶館係我喺屯門最常食嘅餐廳之一，當越黎越多以「日本菜」為名嘅餐廳進佔屯門市中心嘅時候只有呢間抹茶館係冇令我反感，主要係佢比我嘅感覺係有心思﹑有主題同特式，呢個就係我第一次去光顧嘅原因啦。
首先佢餐牌上面選擇唔多，甜品同食物大概各佔一半，而食物種類亦只有烏冬同飯(最近見佢多左新款)，不過如果食物質素好咁反而比選擇多更加好。
第二係餐廳嘅格局，地方整潔企理，空間亦幾闊落，可能係因為佢某程度係一間cafe比人可以叫一杯野飲慢慢坐，所以對客人嘅舒適感亦有顧及，唔似得元朗某日本餐廳明明係大把位都要你迫去同人搭檯(諗起都把火)。
通常我都九點後先去，所以唔洗點排隊，對於店員嘅服務我亦幾滿意(我同朋友2個人去不過拎住好多野，店員都肯安排4人位比我地)，我覺得店員幾有禮貌，見之前有唔少食評都係話店員嘅服務有問題，午市嘅情況我冇辨法比意見，不過就晚間嘅情形黎講我覺得係可以接受嘅。
好啦，講左咁耐都係時候要講講啲食物﹗今次我地2個人點左：
如果淨係以價錢黎睇可能會令人感覺有啲貴，不過你如果以cafe嘅價錢去睇，咁其實都相當唔錯，第一係食物份量足夠，一個大男人食都覺得飽﹔第二係味道方面，食物賣相同味道亦都係相當之好，除左卡邦尼烏冬之外，有個咖哩烏冬都好好食，d咖哩用黎撈飯都好正﹗跟飯個餐廳都好好飲，裡面有d煙肉喺度，唔錯。咁叫得抹茶館最後就梗係要講下佢d抹茶甜品，我今次就飲曲奇牛奶抹茶，佢d牛奶抹茶凍飲好夠抹茶味，好夠濃，鐘意抹茶嘅就實會愛上；不過另外我試過佢嘅銅鑼燒同埋抹茶粉葛條就真係唔推介啦。
Other Info. :
冇諗過抹茶館喺openrice到會有咁多喊臉所以特登上黎打番篇食評支持一下，唔鐘意抹茶嘅你我唔會推介你去試，但係如果你對抹茶係情有獨鍾，咁我肯定呢間餐廳係值得你一試，唔敢寫包單你會鍾意，但肯定係一試無妨。
(The above review is the personal opinion of a user which does not represent OpenRice's point of view.)
Post
