Mee...lemongrass (彩園廣場) (Closed)

今日難得可以準時收工，可以約朋友去食下飯傾吓計。記得上水嘅Mee lemongrass新開左一排，就一於今晚去試下先。MEE... 喇沙呢碗喇沙真係超足料，有大蝦，蜆肉，蝦柳，魷魚，魚蛋，豆卜，蛋。椰汁味香濃，帶有少少辣。麵條有粗又有幼，令到口感更加豐富。地道串燒串燒都係食泰國野必點的，牛雞各兩串，另外仲配有青瓜，菠蘿，車喱茄同幾塊麵包。雞肉非常嫩滑，牛肉一啲都唔un。香芒椰汁糯米飯食完正餐緊係要食返個甜品。呢個糯米飯好精緻，整到成舊壽司咁，幾特別。芒果都算甜，配埋非常香濃的椰汁糯米飯，正。芒果芝芝冰茶飲品堂食係收正價，店員非常好會提客人外賣會有買一送一優惠。我地叫左芒果芝芝冰茶，芝士質感香滑，帶有咸香味。茶味亦非常香濃，唔會俾芝士味蓋過左。