Sawadee Chef

Open Now

Now Closed

之前經過呢個商場都比呢間餐廳嘅門面吸引到，因為內部裝修做得幾好好開陽亦都好有格調，所以最近途經呢個商場都特意選擇咗呢間餐廳。星期日夜晚都接近唔使等位，坐得都算舒服，衛生狀況令人滿意，至於服務態度亦都冇其他食評講到咁差，我覺得還可以接受。因為之前已經食咗下午茶，所以夜晚唔算好肚餓，只係嗌咗三樣嘢，包括佢推薦嘅招牌魷魚、泰式拼盤(包括炸蝦餅、春卷、三串串燒)同埋泰式通菜。個通菜好有鑊氣，味道唔錯，至於個泰式拼盤同埋個魷魚就合乎水平，佢哋嘅賣相就可以參考我附送嘅圖片。價錢嚟講， CP值都算高。