來佬餐館 (Closed)

今次係我第二次食來佬，上一次食ge來佬汁炒河驚為天人，所以今次同女友試一試過晚餐。先試4款前菜，分別係香草芝士焗蠔，芝士加蠔，味道完全係絕配，蟹粉蟹籽一口酥，脆卜卜，脆到吾想講野，蟹肉蘋果沙律同露筍沙律，酸酸甜甜，十分開胃。餐湯係黑松露野菌湯同酥皮海鮮湯2揀1，我叫左酥皮海鮮湯，本人一直好鍾意飲酥皮湯，坊間已經愈黎愈小有做酥皮海鮮湯ge餐廳，這個仲要味道不錯，值得一試。再來就係主菜，我叫左慢煮烤鴨胸，鴨胸烤得好諗，而食落一d鴨膻味都無，值得一讚。最後食埋個甜品心太軟，一食落去，裡面d朱古力流晒出黎，邊食住熱熱的心太軟蛋糕，配上凍ge雪糕一齊食，好幸福呀！價錢都係$348 1位，係今時今日ge環境，這個價錢配上這個高水準晚餐，真係一d都吾貴，值得一試。