賞茶 (Closed)

突然之間好想食下台灣野，行吓行吓就見到依家賞茶。本身以為淨係會賣嘢飲，點知原來仲可以叫晚飯！睇啱食咩之後就排隊買番位食，喺收銀位置留意到原來餐廳幫緊窰匠做籌款，幫助柬埔寨貧窮家庭嘅小朋友，加分！叫咗台式肉操鹵雞腿飯同埋煎雞扒拼花枝丸卡邦尼起司飯，飲品方面就叫咗蜂蜜綠茶同埋冬瓜茶。鹵雞腿老雞腿飯當然唔會差得去邊，略嫌隻雞腿有少少生。最令我驚喜嘅係卡邦尼起司飯真係好好好好食！卡邦尼意粉平時就食得多，但係卡邦尼飯就真係第一次食，個汁唔會太膩，淡淡既起司味為個汁增色不少，值得推介！價錢方面兩個餐都係$53，包一杯飲品，如果想飲珍珠奶茶或者其他飲品就要另外再加錢。環境方面今日唔算好多人，坐到九半就收舖。另外，臨近新年，所以買一個餐就送一套利是封！下次會再嚟捧場！