越好

Open Now

Now Closed

最近天氣濕濕熱熱咁，唔知點解就想食下東南亞嘢食，同朋友經過見到佢叫越好，一於試試佢。我哋叫咗兩份小食，然後不約而同地揀咗食撈檬。越式炸春卷春卷炸得恰到好處，好脆口而且一啲都唔油膩，入面嘅餡味道亦唔錯。炸蝦餅好味！佢係我暫時食過嘅炸蝦餅top 3之一，完全食到咩叫外脆內軟，可能我本身唔鐘意好硬好實個種口感，呢個蝦餅啱晒我口味，而且佢亦唔厚粉，新鮮炸起熱辣辣真係一流。雞絲扎肉撈檬好足料！佢個扎肉好香好味，而且份量比起平時出面食較多；雞絲亦唔錯，其他配菜都食得出好新鮮，配埋撈檬酸汁夠晒開胃。越南豬扒撈檬一食塊豬扒，即時覺得好「越南」呀！豬扒好林好香，口感好好，同平時越南餐廳個種醃香茅豬扒味道唔同，好正。最後我哋叫咗杯美祿同埋檸水，大滿足嘅一餐。