Le Viet

Open Now

Now Closed

相約朋友去尖沙咀shopping，行到攰想搵野食，就俾menu既椰子焗飯吸引一於入去試一試。個飯一嚟到，真係好超載，個飯裝到個椰青滿一滿，椰汁都流晒出嚟，仲聞到香噴噴既椰子味。上面海鮮、配料亦算多。不過食晒上面充滿椰汁個層飯之後，下面既飯稍為乾身。另外，我地仲叫左個咖喱雞配法包。咖喱一直有火熱住，味道香濃，再配埋個法包一齊食，好滿足。咖哩汁仲可以用嚟撈下唔夠椰汁既飯，一樣咁好食我地仲叫左個豬頸肉米紙卷同椒絲炒通菜，算係中規中矩。不過個人覺得米紙卷既皮做得太厚，豬頸肉切得太薄，食落去好似食唔到個豬頸肉咁。炒通菜份量太少，但味道唔差。總括而言，係值得一試既越南菜，位置方便，價錢亦唔算貴。