Kowloon East Kitchen (Closed)

2月中去左觀塘整野，整完就問下老闆附近有冇咩西餐廳介紹，根據佢既點路指示，我地終於摸左陣先搵到呢間餐廳。門口位置裝修得唔錯，入到去有高檯同正常檯坐，而且地方都幾大下，燈光較暗，好relax，同情人或知己黎都幾有feel。先黎一份麵包，份麵包應該係有點野食既都會有掛~有少少蕃茄，包身軟身，因為我中意硬包，所以呢款包就唔係咁岩我口味了。之後就係我地單點既是日餐湯，冇錯，呢到冇set dinner，所有野都要單點。冇記錯的話，係薯仔湯，味道唔錯。再黎就係我點既蛋黃醬煙肉粒闊條麵，wow~勁多汁，落左好多蕃茄去煮，除左大蕃茄外，重有蕃茄仔添。d煙肉粒好似炸過，好香口，有d似燒肉層皮既香味咁。條麵偏硬身，正合我口味而男友點既係蒜香蜆肉意粉，入口好香蒜味，加上有少少辣味，好正。而且蜆肉怎多，意粉亦係偏硬身，正。實際食左幾蚊唔記得了，但一個麵好似一百蚊左右，湯就好似係廿幾咁上下。