榮川日本料理 (Closed)

又是為了請客。個意大利佬想食日本菜，一諗就諗起榮川。是關有體面之餘食物又相當有水準，相比一般鐵板燒或拉麵店高一皮，當然無可避免的價錢亦相應高一皮啦。當日吃了什錦tempura、shasimi拼盤、牛肉烏冬鍋、鰻魚飯及飲sake。當然不能期望是坊間一般日本店咁大件夾抵食，亦不是標奇立異賣港式日本菜。但食物就一如所料相當有水準，如shasimi拼盤(HKD550)有齊所有高價野，絕不夾雜三文魚等下價貨。其中toro就梗係極品，塊塊1.5cm厚，呈淺粉紅色，魚油分佈細密均渾，入口即化，口感似在吃肥豬肉，真係回味無窮。埋單連加一貼士HKD1200倒，當然係勁貴啦。但有機會都值得使少少錢試一次。