Toppings (Closed)

　　想試這間店好耐，但因座位實在有限（只得兩個座位），而且在街上食漢堡熱狗都好高難度，所以一直未曾幫襯。星期六五點幾搵野食，又不想到快餐店，經過見不是太多人，便試一試。　　兩個人叫了一客雞肉蘑菇腸熱狗（廿多元，不太記得，好似係$27），另加十元可配餐，有薯條及汽水，再叫了一個豬柳漢堡（好似是$34），全都是即叫即做。先來熱狗，此店特色是自己加配料，可能是時間關係，配料架上都幾凋零，款色有十多款，但每格都只有不足小半的份量，揀選了蘑菇及芝士粒，再自己加醬汁，適逢有位，便坐低慢慢嘆！　　跟薯條亦炸好，份量都好多，加十元來說算是好抵！意猶未盡，再叫了一客炸肉丸，可揀選牛丸、墨魚丸及魚蛋，問老闆是否只可揀一款，他說三款要齊亦可，於是叫了一客墨魚丸＋魚蛋，只是$13，但份量亦很足，最少有八粒，大大粒，新鮮炸起，香脆彈牙，墨魚味很濃郁，這個價錢，這個質素，真的比起街邊$6串魚蛋燒賣抵食很多。　　再來豬柳漢堡亦做好，我反而覺得一般，可能麵飽不夠質感，軟軟的。　　坊間太多連鎖式經營的漢堡店，價錢亦不便宜，但到那些漢堡店只吃到千篇一律的味道，和很公式的環境與服務。相比之下，此店小小的，味道也許不是最頂級