Video
Read full review
2012-07-12
71 views
今天是跟女友第5週年拍拖紀念日子，但是礙於經濟唔好，公司晚晚OT到頭暈，到收工7點零先有時間去諗下邊度近近地慶祝一番；事急，但人不急。做男人，點都要表達下應有既心思同誠意既!去到女友收工地方，一條直街開滿餐廳，人多、聲多、煙多，想搵個靜靜地既地方溫馨下，好似難啲，但無阻意志，激發我疲倦既雙腿，周圍捐。行到條橫街，較靜。發現這間店裝修特別，人不多、燈光暗，食西餐，三個願望在一起，即刻"叮"一聱，好似陳啟泰個令仔係我耳邊講：『我想去既地方!』，一於等埋女友入去試試。三扒兩撥，問問老閭(是外國人)咩野好，足之俾我發現，無論本地或外地，係老閭樣樣都話好，哈哈，看圖識字，邊樣吸引點邊樣， 足之點了一碟鳳凰雞亦 ($48)，豬柳串燒($88)，西班牙海鮮飯($280)，夠喉收籌。等唔夠5分鐘已陸續有野上，夠快。雞亦我吃得多，葉得咁林，又無骨，香口，第一次試到。串燒，淨係賣相已感受到西班牙海邊餐廳既風情。個飯，哇，估唔到咁大碟，直情叫埋雙方父母黎先食得哂!題外話：週年紀念梗係叫番兩杯酒Cheers下先有FEEL啦，但係貪威唔識食既我又點知飲咩好呢! 問問老閭夫婦，言談間，發現佢地係黎自西班牙加泰隆尼
今天是跟女友第5週年拍拖紀念日子，但是礙於經濟唔好，公司晚晚OT到頭暈，到收工7點零先有時間去諗下邊度近近地慶祝一番；事急，但人不急。做男人，點都要表達下應有既心思同誠意既!去到女友收工地方，一條直街開滿餐廳，人多、聲多、煙多，想搵個靜靜地既地方溫馨下，好似難啲，但無阻意志，激發我疲倦既雙腿，周圍捐。
行到條橫街，較靜。發現這間店裝修特別，人不多、燈光暗，食西餐，三個願望在一起，即刻"叮"一聱，好似陳啟泰個令仔係我耳邊講：『我想去既地方!』，一於等埋女友入去試試。
三扒兩撥，問問老閭(是外國人)咩野好，足之俾我發現，無論本地或外地，係老閭樣樣都話好，哈哈，看圖識字，邊樣吸引點邊樣， 足之點了一碟鳳凰雞亦 ($48)，豬柳串燒($88)，西班牙海鮮飯($280)，夠喉收籌。
等唔夠5分鐘已陸續有野上，夠快。
雞亦我吃得多，葉得咁林，又無骨，香口，第一次試到。
串燒，淨係賣相已感受到西班牙海邊餐廳既風情。
個飯，哇，估唔到咁大碟，直情叫埋雙方父母黎先食得哂!
題外話：週年紀念梗係叫番兩杯酒Cheers下先有FEEL啦，但係貪威唔識食既我又點知飲咩好呢! 問問老閭夫婦，言談間，發現佢地係黎自西班牙加泰隆尼亞，即係巴塞故鄉，好勁呀! 佢地話，當地好鍾意飲支白酒叫 Pepe。嘿......Pepe 踢皇馬架喎，係巴塞故鄉出現都有既?!
身故咁特別，重點是又唔貴，實試啦! 試完杯酒，連我女友唔多點飲既都飲左3杯，連同我計，落樓共6杯，哈哈! 味道好特別，很重木味，有果香，不DRY，好正! 皇馬萬歲!
Post
