Video
Read full review
2012-08-29
446 views
今次係我第一次寫食評, 講真平時就算幾好食既餐廳都唔會有推動力叫我寫食評.....今次算係有少少特別原因!話說本身想食深水步豬x面, 無意中睇到呢間野, 仲要睇埋上一個食評, 我同女朋友都決定一試, 我地出mtr(記得係長沙灣站)行左幾分鐘就到門口, 見到好暗, 心想唔係冇開掛, 行到入去見到全場得2個公務員起度, 唔係有咩事呀嘛, 原來佢2個都係食緊野姐...甘我地就自己搵個位食低啦...跟住就有位呀姨拎左2杯茶比我地, 仲落埋單....我地叫左2碗, 分別係酸辣米線(中辣)同麻辣米線(小辣), 配菜有: 九菜餃, 炸醬, 腩肉, 黃鱔, 竹生....酸辣米線(中辣): 湯很清甜, 辣不嗆喉, 不太酸, 米線不太林, 有咬口, 係我中意既質感, 以前3哥都係甘既質感, 而家太林....麻辣米線(小辣): 好香麻味, 正! 九菜餃: 九菜好香, 新鮮, 仲有4粒, 不過皮有點過厚 炸醬: 同其他米線店一樣, 其實姐係肉碎, 同其他唔同既地方就係佢唔肥, 同好多, 直頭舖滿碗面(可惜我心急食, 影遲左)
今次係我第一次寫食評, 講真平時就算幾好食既餐廳都唔會有推動力叫我寫食評.....今次算係有少少特別原因!話說本身想食深水步豬x面, 無意中睇到呢間野, 仲要睇埋上一個食評, 我同女朋友都決定一試, 我地出mtr(記得係長沙灣站)行左幾分鐘就到門口, 見到好暗, 心想唔係冇開掛, 行到入去見到全場得2個公務員起度, 唔係有咩事呀嘛, 原來佢2個都係食緊野姐...甘我地就自己搵個位食低啦...跟住就有位呀姨拎左2杯茶比我地, 仲落埋單....我地叫左2碗, 分別係酸辣米線(中辣)同麻辣米線(小辣), 配菜有: 九菜餃, 炸醬, 腩肉, 黃鱔, 竹生....
酸辣米線(中辣): 湯很清甜, 辣不嗆喉, 不太酸, 米線不太林, 有咬口, 係我中意既質感, 以前3哥都係甘既質感, 而家太林....
麻辣米線(小辣): 好香麻味, 正!
九菜餃: 九菜好香, 新鮮, 仲有4粒, 不過皮有點過厚
炸醬: 同其他米線店一樣, 其實姐係肉碎, 同其他唔同既地方就係佢唔肥, 同好多, 直頭舖滿碗面(可惜我心急食, 影遲左)
黃鱔: 一般, 唔聲唔散已ok
竹生: 好多, 食極都有, 起碼5條以上
腩肉: 最正係呢味, 老水味好入味, 但係又唔太咸, 豬有豬味, 唔係講笑, 要知道今時今日, 食咩肉有咩味, 唔係一件易事!
好喇, 我要講下點解我要寫呢個食評喇 因為驚佢執 唔係掛, 講到甘好食都執? 講真我食過全香港好多米線店, 呢一間唔敢講第一, 但係憑佢食材新鮮, 湯冇味精, 分量多, 價錢平, 應該好受歡迎先係, 不過可惜, 可能地點問題, 我食左半個鐘, 除左原先2個公務員, 同我地2個, 另外都係得一個堂食, 一個外賣.....當下食完出門口, 同女朋友講: 真係驚佢頂唔住會執, 到時就冇得再食甘好食既米線....2個人叫左2碗5個送先$62, 真係好低食!我一定會再去食架!
Other Info. :
聽人講好似晚上9點就關門!!
(The above review is the personal opinion of a user which does not represent OpenRice's point of view.)
Post
