Amico Italian Wine Bar & Restaurant (Closed)

今日行經諾士佛台見到有間新開食意大利菜嘅餐廳，喺一號七樓，叫amico，咪上去試下囉。上到去，啲裝修又幾好喎，環境清幽好舒服。入到去，部長即時出黎招呼我，態度友善殷勤，令我好有賓自如歸嘅感覺。我一坐底，就覺得啲櫈坐得好舒服，咁我就問個部長啦，原來佢係其中一位老闆，啲櫈係佢地自己設計搵人訂造嘅之後waiter 攞左menu黎，我一睇，價錢唔貴，啲野又特別，所以我都叫左幾多。burrata配新鮮蕃茄，口感味道一流，龍蝦湯既香亦濃，scampi 十分鮮甜，羊扮嫩而唔騷，甜品賣相亦好吸引，甜而不膩，最值得讚既就係個紅蝦linguinie，絕對比酒店嘅質素有過之而無不及！之後餐廳嘅張大廚好細心地出黎問我有無咩意見，同佢傾左陣，原來佢喺外國讀過廚，亦喺香港有名嘅意大利餐做過，佢嘅手藝真係一流，食材落喺佢手都變成藝術品。總括黎講，呢間餐廳嘅service同食物都係一流，價錢合理，童叟無欺，喺出面絕對食唔到，真係值得一試！