咖啡弄 (Closed)

今日同女友食晚餐， 佢最鍾意台式卡飛， 於是就揀咗咖啡弄。雖然係星期日但係都唔係太多人。亦可能熱潮已過。 餐廳位置係一樓。總匯三文治好抵食， 大大份 ，裏面有燒雞，好嘢未。 裏面嘅生菜同番茄都好新鮮。 係好食、 質素高 嘅公司三文治。餐廳規定每個人要叫一杯嘢飲， 我就嗌咗先個鮮果冰茶， 女友就嗌咗Oreo沙冰。鮮果冰茶賣相唔錯, 但太甜， 所以要扣分。沙冰就整得好好，唔會好甜， 味道好 豐富， 可能由於我鍾意食曲奇嘅關係。最後嗌咗一份朱古力香蕉鬆餅， 鬆餅熱辣辣， 有蛋糕香味。 香蕉上邊有朱古力雪糕筒朱古力醬， 兩者嘅味道加埋好夾。總括嚟講都值得來因為唔使排隊環境幾舒適， 但音樂有啲嘈。