甜魔魔 (Closed)

係附近熟食中心食完晚飯，打算食埋糖水先散，見甜魔魔開張以來都未試過，所以一行六人，十點半先去等位，當時入面都好Full，以為佢會開檯比我地坐外面，但結果都係等左十五分鐘，坐鋪入面。等位期間，店員都好主動比餐牌我地睇住先，臨入去前五分鐘到仲想幫我地落單先，但個陣我地未諗好食咩，所以無叫到。到有位個陣，我地都考慮左陣，又問東問西，落單個位小姐都好耐心解答，最後我地叫左五款甜品share。第一款係燒芝麻糊，齋睇賣相好吸引，但其實我地都唔係好食得出面頭燒得有少少焦嘅野係乜黎，而且味道一般普通，唔算特別好食，但都算「傑」身，唔會太稀。第二款係金芒豆腐花，芒果都幾新鮮，而且甜道岩岩好，又唔酸，份量多，但豆腐花就差D，太凍，而且無乜豆香味，滑的程度尚可，特別在佢唔係平日一片片好薄個種，係一塼塼咁，質感感覺會無平日個D咁幼細。第三、四款有我最中意嘅小丸子，分別係小丸子金露同小丸子雪糕，小丸子略嫌太黐牙，質地似煮太爛嘅無餡湯圓；楊枝金露味道唔錯，唔會太酸；雪糕方面揀左雲呢嗱曲奇，都好大一球，配新鮮芒果、蜜糖星星，加埋打得幾「傑」身芒果醬，好有口感，好好味，。最後就係最無驚喜嘅朱古力雪花冰，雪花冰其實係同