盛八日式火鍋放題店 (Closed)

上網見到依間開左冇耐嘅日式火鍋，就決定去試下！因為佢新開不久有做團購所以都唔少人去食！整體裝修都唔錯，只係佢二人卡位比較迫少少！我今次係多$258，可享用90分鐘澳洲貴族和牛放題，我總共叫左五轉，質量口感肉味算係唔錯，但都有啲參差！佢同其他唔同嘅，係佢有魚生吧，有几種唔同嘅刺身可選擇！佢除左包裝嘢飲之外，仲有果汁機同沙冰機，但聽說佢哋食物同飲品共一百種，每日都唔一樣，所以你次次去都有唔同嘢食同飲！我鐘意佢個午餐肉品質唔錯，油炸鬼吸左佢個黑蒜豬骨湯底好好味，佢個特選豚肉都唔錯，有啲彈牙感覺！仲有佢醬汁都有好多種，芝麻醬都有三四種，溝埋曬都幾惹味！甜品亦有紅豆沙、蛋糕仔、雪榚同朱古力噴泉，我就聽經理教拿個雪糕球去個噴泉整脆皮雪榚，不過佢朱古力硬左啲，同味道一般，不過都幾好玩！整體嚟講值得試下，服務亦相當唔錯，唯一不足係菜類選擇少左啲！