意粉廚房

Open Now

Now Closed

今晚同班同事夜左d收工，又鬼死咁肚餓，大家就約埋一齊食餐簡單晚飯。最近加連威老道一間酒店地庫開左間新餐廳，menu 主打係食意粉，還有我最愛risotto .....價錢ok wow, 係依區黎講都算合理同抵食，而且價錢仲包埋任飲咖啡茶同餐湯，仲有個軟熟餐包仔送。同事叫係紅酒煨牛肋肉意粉。。。。。爽口彈牙，牛肋肉炆得又入味又腍，意粉咬落有口感;而我嗌三文魚意粉。。。。口感煙煙韌韌。。，垂涎三尺。而且餐湯即使免費添飲，也不會做得馬馬虎虎，當日我試的是蘑菇忌廉湯，估計應該是用機打成茸去煮的，充滿蘑菇香氣，並非一般餐廳用麵粉開成糊仔湯。總括黎講，有機會我會再黎食過，環境新淨坐得都幾舒適，尤其是大熱天時，有強勁冷氣，約埋三五知己，豬朋狗友吹下水食下飯都係不錯選擇。