JK Kitchen (Closed)

今日約左同事係銅鑼灣食飯，同事推介去食JK Kitchen。去到發現餐廳計較溫馨，以暖色系為主，啲裝飾擺設都好有心思，令人好relax。我地叫左廚師推介入面嘅菠蘿豬頸肉炒飯、越南老板娘炒米同JK炸拼。菠蘿豬頸肉炒飯份糧好多，豬頸肉好juicy，咬落一啲都唔癡牙，炒飯有蛋碎、菠蘿、蝦乾仔、面頭仲有少少提子乾，食落口感豐富。越南老板娘炒米自己好鐘意食米粉，喱個越南炒米真係好正，米粉軟硬啱啱好，豬頸肉切到一條條，入面有啲芽菜、蛋絲，配料有好多，火喉炒到啱啱好。JK炸拼炸拼有春卷、雞翼、魚餅、薯仔蝦卷同蔗蝦，每款2件，啱啱炸起新鮮熱辣辣，食落又唔會好油膩，最鐘意個蔗蝦，將啲蝦肉卷係蔗嘅外面，好似蝦棒咁，蝦肉食落彈牙，用蔗食落又唔洗怕好似竹枝咁吉到，好有心思。越南滴滴咖啡見到啲啲咖啡一滴一滴咁滴落杯入面好得意，咖啡渣聞落幾香，杯底有啲奶，飲落幾滑幾香。