Uncle Pizza, Pasta & Grill (Closed)

今日同男朋友簡咗嚟依間餐廳食晚飯，貪佢環境夠chill又唔算好嘈，menu睇落又好似唔錯咁，幾吸引。有個特別位係餐廳有充電器可以借，有需要嘅人記住借嚟用la。依間餐廳主打pizza同pasta，所以pizza同pasta嘅種類都唔少，有d款式我連聽都未聽過，我同男朋友簡咗一款pizza同一款pasta，覺得兩樣食物嘅水準都好高。Uncle Wyman● Mechanical Engineering ($148/8吋)佢嘅menu完全表達曬成個pizza有嘅材料。芝士有拉絲嘅效果得嚟同雞肉茄子好match。雞肉唔會好乾好柴，而茄子烤到非常香口，超級好食。個餅底厚度啱啱好，唔會薄到好似食餅乾咁。Butter Linguine with fresh crab mushroom, prawns, crab meat and white truffle oil ($178)蝦肉彈牙，蟹肉嘅份量好多，唔駛就住食，食到最尾都仲食到蟹肉。由於有蟹肉同菇嘅關係，成碟意粉非常鮮甜惹味。有好多好多嘅蟹肉。