觀自在素食 (Closed)

我平日都有初一十五食素既習慣，碰啱假日都會同阿婆過來食。而年尾多聚會，大家都食落好多油膩野，我就提議不如聚餐去哩間傳統齋舖啦。蜜汁叉燒哩個應該係舖頭既王牌，因為真係好好食，每次必點。上碟既時候熱辣辣，仲冒緊煙，D邊邊炸到脆脆，夾住欖角香味，仲有少少甜甜蜜味，推薦！青咖哩肥牛茄子煲青咖哩食落好似加左椰汁（我估）都幾香。當然比唔上泰式青咖哩惹味，亦都唔辣，但配飯都ok。生炒糯米飯表現普通，有少少鬆散，唔算綿。芋頭魚正常水平，不過不失藥膳牛肉煲藥膳味無論食同聞到都係好濃既，我就麻麻 不過都理解既，畢竟齋菜要落多d調味先出到味既。南瓜羹南瓜應該係打碎係羹入面椰汁撞奶原只椰青，好香好滑～整體來講，食物味道係幾好既，環境都乾淨同幾懷舊。但同行朋友比較少食素，佢地評價就一般，始終食開出面既野係比較濃味。我覺得係一間唔錯既素食店，值得試下既，性價比又唔錯。