峰G館

Open Now

Now Closed

悶熱嘅一日之後就落大雨，今日仍然係打緊1號風球。同屋企人嚟到筲箕灣呢間野新開嘅茶餐廳食返個下午茶，順便避下雨。叫咗雪山菠蘿包，一上枱嘅時候，隔離嗰幾檯見到即刻哇哇聲，事關個造型真係好搶眼，好似貝殼入面一個珍珠。食落凍凍地，夾埋杯熱奶茶真係一流。另外又叫咗雜扒，個人最鍾意係豬扒，腌得好好食，亦都夠厚身。仲有炸雞軟骨，如果有埋啤酒就正啦最代表作嘅應該係個鮮油粒粒西多士，成舊磚咁大舊，用咗雙層嘅厚麵包炸成，同平時茶餐廳嘅西多士比起上嚟厚左成倍有多。嘢飲方面叫咗香濃椰子雪糕威龍紅豆冰特飲，原來係奶茶加紅豆冰加雪糕，都幾特別，椰汁雪糕口感滑溜，有椰子味，稍嫌個紅豆淋左少少，如果硬啲會有口感啲。總體來講，小店坐得幾舒服，裝修用咗工業風，店員又會同每台嘅食客傾吓計，氣氛幾好，我哋都同隔離枱搭下訕，感覺全店氣氛好融合。