天池日式放題 (Closed)

放題時間去到夜晚十一點，時間好充裕，唔會趕頭趕命又唔夠時間，食得好少。另外，出餐好快，份量都足，唔洗好似某啲方題咁因為出餐太慢而逼住我一次叫勁多野食。本身已經好多款式，選擇好多，加左幾十塊升級之後更加多選擇，仲有個鮑魚送俾升級嘅顧客。刺身好新鮮，另外值得一試嘅一定係玉子燒，甜而不膩，蛋香味好足。啤酒最特別係有沙冰，而唔係普通冰塊。甜品係一杯杯細嘅，差唔多一两啖就食完，所以可以試好多唔同口味。雪糕唔係出面常見嘅品牌，玄米茶同海鹽口味好特別，玄米茶有茶香但唔會苦，海鹽有少少鹹味，好奶嘅感覺。