犇之食堂 (Closed)

成日經過呢度嘅時候覺得裝修都幾靚，好有文清feel，一直以為會好貴，點知原來價錢合理之餘又唔使排隊，所以就試吓啦。入到去好有鄉郊氣息，牆身有舊嘅電影海報，天花板亦都有一盤盤嘅綠色植物，感覺好悠閒！➡️ 鹽酥雞滷肉飯 ($72)鹽酥雞炸得好新鮮，仲保持有肉汁，啲飯配上好多嘅滷肉，食落好夾好好味！➡️ 眷村紅燒牛肉麵 ($78)湯底好濃郁，麵質都算彈牙，應該係餐廳自家製。牛肉有少少似牛展，但比較多筋，好在都夠淋好易咬。食完牛肉仲有一大塊蘿蔔同菜，唔洗淨係食肉。整體都ok，但份量較少。犇之食堂地址📍: 銅鑼灣白沙道11號地舖.............................. 味道😋: ⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️