榮少喇沙 (Closed)

今次試左屯門市中心一間叫榮少喇沙既小店，當然要試下佢既喇沙呢，我地分別叫左海鮮喇沙、炸豬扒喇沙同埋炸雞喇沙。原來加個麵底都只係8蚊 ，好抵食！仲有可以揀麵底，好似油麵、米粉、瀨粉同摻摻，識食當然係油麵加米粉呢！喇沙湯底濃郁，帶有椰子味，而且有少少辣，十分開胃，雖然我完全唔食得辣，但依種程度完成冇問題，仲好好味，又實惠！海鮮喇沙好吃，而且材料都十分足料，有帆立貝、蝦、魚蛋、魚片，仲有豆卡索晒湯嘅精華，超級正！而豬扒喇沙夠大份，岩哂我地d大胃王！至於炸雞喇沙都十分值得推介，雞嫩而且脆口！好味！再加$10飲品，雖然細細杯，偏甜，但都好味！值得一試！