Video
Read full review
2022-06-18
339 views
網上見到香車街街市新開左間米線舖頭，正面同負面評價有D極端。趁平日放假，特登約埋朋友過黎試下佢既味道。睇下好食定難食。位於街市入面，認真，我地坐係風扇位旁都覺得好熱，邊食邊出汗..用QR落單，好快就有職員覆你一次單，無問題就等上菜~佢主打鮮雞魚湯湯底，仲有其他滋補湯底，D人推介花膠雞湯加鮮雞脾~我同朋友分別各叫一個湯底。朋友食《廚師發板》雞湯，我就食 《鬼馬油炸鬼同雞皮餃子》魚湯。朋友話雞湯似有用花膠煲，飲落有d (gen)口，唔會覺得口渴。魚湯我就覺得魚味唔太出，如果可以濃多少少就掂啦~米線方面，軟硬程度還好，份量都夠一個女仔胃口！佢既炸物我覺得做得唔錯，個鬼馬油炸鬼入面有蝦膠，炸到脆卜卜，又唔油膩﹐可浸湯或直接放入口(食完愛上呢餸)~~不過個雞皮餃子我就唔太識欣賞啦..雞皮包餃子餡，雞皮有d難咬，不過個雞皮唔會話好油…試吓就算啦特別推介《廚師發板》，一個價錢有最少十款餸，仲要有埋炸物，十分抵食！佢果日有幾粒唔同味既丸、木耳、大腸(有d韌，唔太入味)、腩肉(太肥)、豬潤(大大塊唔腥)、竹笙、豬軟骨(夠淋)、炸雞翼、油炸鬼、豆卜、凍食墨魚(太大舊有d難咬開)最特別係有支裝汽水(不過支裝
趁平日放假，特登約埋朋友過黎試下佢既味道。睇下好食定難食。
位於街市入面，認真，我地坐係風扇位旁都覺得好熱，邊食邊出汗..
用QR落單，好快就有職員覆你一次單，無問題就等上菜~
佢主打鮮雞魚湯湯底，仲有其他滋補湯底，D人推介花膠雞湯加鮮雞脾~
我同朋友分別各叫一個湯底。朋友食《廚師發板》雞湯，我就食 《鬼馬油炸鬼同雞皮餃子》魚湯。
朋友話雞湯似有用花膠煲，飲落有d (gen)口，唔會覺得口渴。
魚湯我就覺得魚味唔太出，如果可以濃多少少就掂啦~
米線方面，軟硬程度還好，份量都夠一個女仔胃口！
佢既炸物我覺得做得唔錯，個鬼馬油炸鬼入面有蝦膠，炸到脆卜卜，又唔油膩﹐
可浸湯或直接放入口(食完愛上呢餸)~~不過個雞皮餃子我就唔太識欣賞啦..
雞皮包餃子餡，雞皮有d難咬，不過個雞皮唔會話好油…試吓就算啦
特別推介《廚師發板》，一個價錢有最少十款餸，仲要有埋炸物，十分抵食！
佢果日有幾粒唔同味既丸、木耳、大腸(有d韌，唔太入味)、腩肉(太肥)、豬潤(大大塊唔腥)、竹笙、豬軟骨(夠淋)、炸雞翼、油炸鬼、豆卜、凍食墨魚(太大舊有d難咬開)
最特別係有支裝汽水(不過支裝ml數較罐裝少)，我見餐牌除左汽水好似無其他港式飲品…
整體呢講，一定唔夠樓上果間咁好味，不過對於新開既米線我覺得呢間可以再去光顧，希望下次再去既時候d餸有改善下次我都係直接揀《廚師發板》啦~~
Post
