MOD

Open Now

Now Closed

本來打算食隔離間西餐，路過見到呢間開左冇耐既餐廳/鋪頭，之前有荃灣友推薦過，有凍肉生蠔買；亦有堂食西餐及即開生蠔，決定一試。生蠔價格及意粉食物價格較親民，性價比高。扒類價格中上，但質素偏高。生蠔詢問老闆娘推介左三款，老闆娘係媽媽級人物，熱情好客。生蠔非常新鮮。然後叫左意粉，調味平衡好，價值質量比大品牌西餐廳做得更好。唯一要挑剔係溫泉蛋變左做溏心蛋。最後叫左份美國西冷餐，出面餐廳叫5成熟大多黎到變7成甚或全熟，呢間黎到則做到接近5成。 價格唔平，但質量可以，薯菜亦算多元化及用心。