Video
Read full review
2011-07-15
34 views
今晚一行6人去開荃灣, 原本諗住去食韓燒, 不過真係太多人, 見到有間新開0既雞煲火鍋店, 咪諗住入去試下, 入到去D裝修唔錯, 原本擔心大熱天時會好熱, 不過好彩間舖D冷氣超勁, 一入去即刻透心涼, 坐坐下仲覺得凍, 要係咁野黎驅寒! 一坐低就聞到好香0既雞煲味, 有位好好人0既姐姐仔推介我地食雞煲, 原本我地諗住叫火鍋, 不過見姐姐仔係咁SELL,而全間鋪枱枱都係食雞煲, 我地梗係要試下, 雞煲有大中小辣同唔辣, KAR 仔唔係太食得辣, 所以我地叫左一煲火辣, 雞煲一到, 成班餓鬼即刻起勢係咁食, 個雞煲真係唔錯, 好有味, 除左雞, 佢仲有D洋蔥係煲入面, 雞煲入面D汁又濃, 又入味, 真係好好味, 啱哂我地成班人, 食食下阿姐姐仔同我地講話得閒要搞下個煲, 費事 “痴” 底, 食到差唔多個陣阿姐話可以叫多隻雞又或者可以叫D火鍋料黎食, 我地成班食肉獸梗係係咁叫肥牛啦, 又叫左一D蝦滑, 肉丸, 咩都叫左D, 我地見隔離枱有D好靚仔0既 腐皮卷, 又叫左個黎試下一路打邊爐, 阿姐隔一陣就會幫我地加湯, 原本諗住會沖淡雞煲D汁, 點知一路落湯, 個雞煲唔淡不特止, 仲越食越有味,
一路打邊爐, 阿姐隔一陣就會幫我地加湯, 原本諗住會沖淡雞煲D汁, 點知一路落湯, 個雞煲唔淡不特止, 仲越食越有味, 越食越辣, (唔知係咩原理呢?) 我都係第一次打邊爐唔使加豉油其他醬料落d食物到, 因為本身D食物已經入哂味!
最尾梗係要叫番D米粉烏冬黎食下
不過我覺得下次真係唔好叫米粉, 因為米粉會索哂D湯, 會漲哂, 反而烏冬唔錯, 佢用個隻日本烏冬真係有料到, 食落唔係出面個D HAEHAE烏冬, 有D似吉野X 個D, 倒入雞煲到一陣即刻拎番出黎食, 真係超夠味!! 最正0既除左係D雞 我就首推烏冬!!!
個肥牛好好味, 幾有水準,
最尾埋單$800到, 每人大概$140, 算係咁
除左雞煲又可以食埋打邊爐, 可能雞煲有油0既關係, 食到我地幾個捧住個肚走, D食物又幾有水準, 真係唔錯, 下次我會再黎
Post