古味坊 (Closed)

元朗千色店後街美食雲集，見到有間賣古早味蛋糕嘅小店有幾個人排隊幫襯，我就抱住我嘅好奇心買返個試吓。想特別啲，揀過我最愛嘅伯爵茶口味。店員特別叮囑放入雪櫃第二日食，先係最好味嘅食法。不過先食先享受，返到屋企忍唔住切一舊嚟食。喺盒度拎出嚟已經聞到好香嘅伯爵茶味同蛋味。心急嘅我拎咗把小生果刀來切蛋糕，先發現個蛋糕好大個喎，真係每次厚切食一塊都夠晒！蛋糕咬落非常鬆軟，伯爵茶口味非常明顯！食完一塊之後我就將佢放返入雪櫃，好似店員咁講，第二日先拎返出嚟食！第二日再拎出嚟食，果然係比較好味，可能雪凍咗，咬落比較有口感，而茶嘅香味更加明顯！下次要試埋朱古力同肉鬆海苔味先！