Video
Read full review
2013-10-24
10 views
趁放假又周圍去食吓嘢，平時搭車經過西環覺得好似有好多食店，所以就去逛吓。經過呢間咖喱屋，好似幾正宗咁，所以決定一試。打開門，感覺真係好地道印度食店feel。店舖唔大，燈光較暗同牆上有啲印度畫；店員亦係印度人，不過識講英文，所以點菜絕冇問題。Menu同其他咖喱館差唔多，都係以唔同肉或海鮮等分類，價錢大約$80-90。我哋又係研究咗好耐，最後決定嗌一雞一牛，加多兩杯飲品。不過order前，店員已送上薄脆一塊，之後再serve多兩碗湯。薄脆面有啲蔥粒及蕃茄粒等topping，咸咸地，幾香口。湯係蔬菜湯，湯內有少許蔬菜粒，有啲咬口。Mango Lassi上菜好快，飲品同食品唔洗十分鐘已上檯。Mango Lassi好濃， 好creamy，好似飲yogurt咁。甜度適中，不過芒果味可以再濃啲。Red Sangria雖然係西班牙特飲，但見到menu有，即管試吓啦。果味比酒味強，同埋甜咗啲。香燒春雞見呢個係推介菜色，當然要試吓。有兩件雞膇同兩件雞胸，份量十足；用鐵板上，可以保持熱度。雞肉嫰而且入味，點埋兩個sauce味道更吸引。配菜有沾咗啲醬汁嘅洋蔥絲同椰菜絲，食埋就冇咁溜。原汁咖喱牛腩+千層酥牛腩雖
打開門，感覺真係好地道印度食店feel。店舖唔大，燈光較暗同牆上有啲印度畫；店員亦係印度人，不過識講英文，所以點菜絕冇問題。
Menu同其他咖喱館差唔多，都係以唔同肉或海鮮等分類，價錢大約$80-90。我哋又係研究咗好耐，最後決定嗌一雞一牛，加多兩杯飲品。不過order前，店員已送上薄脆一塊，之後再serve多兩碗湯。薄脆面有啲蔥粒及蕃茄粒等topping，咸咸地，幾香口。湯係蔬菜湯，湯內有少許蔬菜粒，有啲咬口。
Mango Lassi
上菜好快，飲品同食品唔洗十分鐘已上檯。Mango Lassi好濃， 好creamy，好似飲yogurt咁。甜度適中，不過芒果味可以再濃啲。Red Sangria
雖然係西班牙特飲，但見到menu有，即管試吓啦。果味比酒味強，同埋甜咗啲。
香燒春雞
見呢個係推介菜色，當然要試吓。有兩件雞膇同兩件雞胸，份量十足；用鐵板上，可以保持熱度。雞肉嫰而且入味，點埋兩個sauce味道更吸引。配菜有沾咗啲醬汁嘅洋蔥絲同椰菜絲，食埋就冇咁溜。原汁咖喱牛腩+千層酥
牛腩雖厚身，但淋而入味，而且份量都唔少。咖喱汁比以往食過嘅印度咖喱冇咁重香料味，但反而較合我哋嘅口味。千層酥有別一般薄餅，呢個真係外脆內軟得嚟又鬆化，點咖喱一流。
不過咖喱雖濃，但唔辣。嗜辣嘅我問問店員有冇辣醬，佢好殷勤咁話就咁加辣醬同咖喱未必配合，建議攞碟咖喱入去再煮過。咁又唔洗咁大陣象，不過店員之後都整咗碟辣嘅醬料俾我哋。咖喱加咗辣後更加惹味，最後成碟醬用唒。
食食下，可能店員見我地仲有咖喱汁剩，問我哋要唔要飯。雖然已好飽，但都想試吓。呢個黃薑飯應該係即刻炒，熱辣辣，飯乾身得嚟亦軟硬適中，最後咖喱汁用盡，食完真係飽到捧住個肚走。埋單時，店員會拎個全盒出嚟，糖果可以清吓陣香料味。
呢度招呼殷勤，店員亦好關心客人對食物嘅滿意度，周不時會問吓客人嘅意見。值得一讚！
Post
