Video
4-min walk from Exit B, Kennedy Town MTR Station
continue reading
Telephone
28726900
Introduction
Using traditional Indian style with authentic food and friendly staff. Serves Indian food and Halal food.
continue reading
Opening Hours
Today
11:00 - 15:00
17:30 - 23:00
Mon - Sun
11:00 - 15:00
17:30 - 23:00
Above information is for reference only. Please check details with the restaurant.
Recommended Dishes
-
Mango Lassi
-
芒果酸奶
-
Paratha
-
牛油雞
-
印度皇飯+10
Signature Dishes
今日既主角就係經典印度菜式Chicken Masala🥘自從上網搜尋堅尼地城美食搵到呢間餐廳一直好想試下但唔知點解一路都搵唔到間鋪頭最後發現佢就係電車路街口既斜對面😅收工正值晚餐peak hour好幸運一入去就有得坐低👍🏻.呢個Chicken Masala一入口即刻顛覆左我對咖哩既印象第一啖係經典既咖哩口味有comfort food既感覺咖哩香濃，帶少少辣味口感非常順滑好易入口😋.然後再食一啖香料既味道同香氣爆發出黎😍番茄，洋蔥，芫茜，Dry Herbs迸發出充滿異國風情的味道有人話將香料運用得出神入化係印度菜既特色我覺得直情係印度菜既靈魂🇮🇳.雞肉同Naan作為主食完美地襯托著咖哩呢個主角雞肉煮得入味肉質依然非常嫩滑加上漲卜卜表面微微金黃既Naan幫手將碗底既咖哩汁都清晒🤣大～滿～足～呀～
continue reading
朋友推薦西環既印度餐廳所以就晚餐黎試下。店員都係印度人，感覺似係家族餐廳應該幾正宗就坐低左。入到餐廳一種獨特的氛圍和環境所包圍。印度餐廳通常以豐富多彩既裝飾同細緻細節為特色。另外牆上仲掛滿印度傳統藝術品，令我地充分感受到印度文化既魅力。本身對印度菜名完全唔熟悉又唔知有咩好食，所以決定跟隔離枱叫。首先有免費前菜脆餅配薄荷醬殺人份量唔係好多但都唔錯。🍗Chicken Tikka $98烤雞塊煮得啱啱好，外皮炭燒香脆，內裡肉質嫩滑多汁，雞肉都好入味，用印度香料醃製。配埋生菜絲帶清爽感覺令味道更加平衡。🥘Butter Chicken $98係印度其中一個最為有名既菜色。用大量香料醃製雞肉，印度牛油，酸奶同大量蔬菜作為醬汁材料。咖喱係唔辣既所以好適合唔食得辣既我。醬料食落一種醇厚的奶油味道，與番茄的酸甜融合，而且雞肉好細嫩入味會有食唔停既感覺。無論你咪印度菜愛好者定係第一次嘗試，Butter Chicken絕對值得一試。🫓Garlic Naan $35餅身柔軟、口感蓬鬆，還有一層薄薄的蒜味醬汁均勻地塗抹在上面。咖喱最適合配白飯或印度烤餅，而我地點左烤餅一齊食，呢個組合簡直係完美。🥭Mango Lassi $38Mango Lassi主要用芒果為主要成分，加入酸奶和少許冰塊混合攪拌而成。呢杯飲品口感好柔滑，酸奶既質地令佢更加濃郁滋潤，而且佢既口感令人有d上癮。好適合食熱辣辣印度咖喱既時候飲一杯可以即刻解開辣。呢杯Mango Lassi絕對是夏日必嚐的美味之選。總括因為我地坐個位對著風口，食物好快就吹凍左無咁好食。 但係整體食物全部味道都唔錯，而且坐位闊落，店員都有禮，值得一試。
continue reading
路經此地，見到呢間唔起眼又無乜人嘅餐廳，見食評唔差就放手一搏！前菜：食咖喱多數都有嘅前菜，夠脆夠薄，合格！Tandoori Chicken: Juicy，肉質嫩滑！而且鐵板上，夠晒熱，你見張相都出晒煙啦mango Lassi: ❤️❤️❤️Cheese Naan: 不吝嗇的芝士，喜歡芝士的人一定要食！ 拉晒絲咁，又烤得岩岩好服務： 老闆娘性格內斂，但其實好友善😂😂 耐心講解食物，雖然廣東話唔好，但好盡力總結： 可回頭
continue reading
見餐廳門口寫住正宗印度菜，lunch set價錢又唔系好貴，就入左去試試。《芝士波菜配烤包》（Saag Paneer) $98呢個系經典嘅印度素菜，波菜再加洋蔥、香料等打成蓉，食落唔會太草青味，亦唔會太heavy，加埋超淡味嘅印式芝士，增加口感。佢哋嘅naan，烤得好軟熟，而且唔油，用黎點芝士波菜真系一流！《串燒雞咖哩配烤包》(Chicken Tikka Masala) $98印度嘅燒雞一向偏乾，但每塊雞肉配埋Masala醬汁，就變得好惹味，Masala醬汁濃郁又香，辣辣地，配上埋naan一齊食真係絕配！深井咖哩寶嘅印度菜正唔正宗，我就唔太知道，因為無去過印度。不過餐廳嘅芝士波菜同串燒雞咖哩味道唔錯，份量多，而且唔油，食完唔會濟住濟住，而且環境舒適，位置闊落。
continue reading
【中西區】【深井咖喱寶】喺得中西區食嘢多數都係同浣紗娘，今次佢好煞有介事咁約我呢日，唔知攪乜。不過我掛住喺中央圖書館睇書同埋影印之前自己上報個訪問，攪到遲咗到，希望佢唔好怪我。嚟到呢間開到似酒吧咁嘅印度菜，就開始叫嘢食喇。首先係 $112 嘅「串燒羊肉卷」，佢係鐵板上，好似平時印度燒雞咁整，啲羊肉就整到蓉咁再砌做一條卷，味道唔錯。之後到 $98 嘅「芝士菠菜」，一樣我中意食嘅嘢同一樣我唔中意食嘅嘢撈埋，效果幾好，我肯食仲覺得好食。之後嘅主食仲有 $98 嘅「瑪莎拉香燒雞柳」，同普通瑪莎拉雞嘅煮法有唔同就係佢呢款個雞係燒過嘅，所以食落就香口啲。跟住就叫啲五穀類，叫咗 $38 嘅「馬來西亞薄餅」，我作為 roti 嘅忠實粉絲，覺得佢都好好食，掂呀。跟住到 naan，叫咗 $38 嘅「牛油烤餅」，牛油味係好重，不過濃得滯有少少膩。浣紗娘飲 $38 嘅「芒果乳酪」，都係濃。反而我杯 $38 嘅「香蕉乳酪」感覺好似適中啲。餐飯夾埋 $506，兩條友嚟講，啲食物算對得住個價囉。。。（地址：西環堅尼地城吉席街27-31號A錦興大廈地下）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am中西區 #堅尼地城 #西環 #深井咖喱寶 #印度菜 #串燒羊肉卷 #芝士菠菜 #瑪莎拉香燒雞柳 #馬來西亞薄餅 #牛油烤餅 #芒果乳酪 #香蕉乳酪 #1am1022 #1ambackup
continue reading