成都小巷米線雞煲 (和富道) (Closed)

今曰放工後有事要去北角處理，經過和富中心，呢邊都幾多餐廳，其中一間食川菜既餐廳叫「成都小巷」，本身諗住入去試吓米線，坐低之後，見到任食雞煲1.5小時，包自助火鍋食材大約有20幾款，例如各式丸類、牛柏葉、腐竹、豬皮、蔬菜、金菇、冬菇、豆腐、年糕、麵等等。亦都包飲品，有罐裝汽水、啤酒。每位都係$138，幾抵食，所以轉軚試吓。🤣雞煲我哋揀咗唔辣，一送嚟已經聞到好香，雞肉肉汁嫩滑，我覺得好好味🤤。食到差唔多就加啲清湯，放啲火鍋食材入去，味道依然濃郁，正👍。