王家沙 (Closed)

放工到這間位於又一城的王家沙試一試，發現水準唔差，叫左醉嘉美雞同水晶肴肉，好好味，可能我自己鍾意食醉雞，今次食到凍既口味，發現都唔錯！另外水晶肴肉好味，同出面食既味道差唔多，但佢既肉比較實d，同埋無咁鹹。仲叫左王家沙牛肉餅，依個係本人推介！！出面食既通常都係好多油好鹹好濃味，依個係好入味，好有肉汁，唔會太油膩，開頭一睇覺得都係同出面食個d一樣，一食落去就係第二個感覺，好意外。之後叫左龍井茶皇BB鴿，無乜特別，但都好味。仲有嫩雞煨麵，湯同雞都好味，缺陷在麵本身，太淋啦。最後叫左薑汁鴛鴦湯丸，以為一色一樣，同朋友一人揀左一粒，揀左粒芝麻，朋友既係豆沙，芝麻好好味呀！唔係糖水舖同超級市場買黎自己整既味道，好足料，好滿意，同依餐飯畫上完美既句號。總括黎講，所有野都好味，要有特色既都做得到，要有出面都有既水準都做到，係個麵要改一改，希望下次會睇到進步，加油！