魚眾不同酸菜魚 (天一商場)

Open Now

Now Closed

其實本人一直都好仲意食酸菜魚，所以知道商場新開左間專食酸菜魚嘅餐廳魚眾不同就即刻忍唔住一試。餐單嘅食物選擇種類唔算多，價錢都算係街坊價，通常都係叫一種款式免費配兩種配料例如金菇豆腐薯仔等等再送一碗白飯，如果本身比較細食既話，我就建議叫一款酸菜魚再加錢追加一碗白飯，因為對於細食嘅人黎講，呢到既酸菜魚雖然話係一人份量，但始終係有d大份。餐廳員工嘅服務態度好好，會同你主動推薦番有咩啱食，如果你係驚食辣嘅佢亦會好貼心禁推薦番唔辣蕃茄湯比你，不過有時亦會出現漏單既情況。個人覺得呢到d酸菜魚適合一d鍾意食魚但唔鍾意成日要挑d魚骨出嚟嘅人，因為呢度啲酸菜魚全部都係採用冇骨嘅魚肉（應該係冰鮮魚柳？），不過魚肉嘅份量就有d少，主要都係配料同湯多，d湯本身嘅味好足，對於一d唔食得辣嘅人嚟講，呢度嘅酸菜魚就有一定嘅挑戰性，因為真係會好辣，不過整體味道都算唔錯。