Video
Read full review
2018-01-26
974 views
以往跟朋友食開油麻地煲仔飯，縱然難食，人有時就係會為著回憶去食多幾次…. 但我從來冇放棄過尋覓一個好食既煲仔飯，今次，我找到了。預早幾日打去總店問，「爆哂喇，walk-in都冇位，嘟……」完。打去分店一試，老細叫我當日7點半過去，留低個姓就得。店外永遠有人群聚集，老細會痴哂等位紙係收銀台，walk-in有no.叫號，訂位既會寫左時間同姓，其實都係要等~ Book左既大約半個鐘入座，walk-in又多人就要等一個鐘左右。拎左飛其實唔洗企係收銀等架，老細會出埋門口大聲叫號，亦可以係附近行一陣759/日本城先返黎~今次叫左我想食好耐既羊腩煲同煲仔飯，開頭擔心會食剩，最後2個人都食得哂~枝竹羊腩煲 $288 (附送一盤生菜)好多年冇食過羊腩煲喇，上台時惹來鄰座唔少艷羡目光(可能暗中覺得我地大食)~ 除左有大量羊腩同枝竹之外，仲有鮮甜馬蹄同幾塊爽口竹筍。羊腩主要係切成麻雀大細、冇皮既嫩肉，全部都好嫩滑有肉香，點埋附送既腐乳醬好好味~ 羊腩滑既程度係d肉一梳梳咁，如果你平時食雞只食翼同脾咁就岩哂，佢分分鐘仲滑過雞添。羊肉份量好多，食極都仲有添。枝竹係有少少鞋口個種，滾一陣就食得，食到尾都唔會爛又入
預早幾日打去總店問，「爆哂喇，walk-in都冇位，嘟……」完。打去分店一試，老細叫我當日7點半過去，留低個姓就得。
店外永遠有人群聚集，老細會痴哂等位紙係收銀台，walk-in有no.叫號，訂位既會寫左時間同姓，其實都係要等~ Book左既大約半個鐘入座，walk-in又多人就要等一個鐘左右。拎左飛其實唔洗企係收銀等架，老細會出埋門口大聲叫號，亦可以係附近行一陣759/日本城先返黎~
今次叫左我想食好耐既羊腩煲同煲仔飯，開頭擔心會食剩，最後2個人都食得哂~
枝竹羊腩煲 $288 (附送一盤生菜)
枝竹羊腩煲
$288
73 views
0 likes
0 comments
枝竹羊腩煲
$288
68 views
0 likes
0 comments
好多年冇食過羊腩煲喇，上台時惹來鄰座唔少艷羡目光(可能暗中覺得我地大食)~ 除左有大量羊腩同枝竹之外，仲有鮮甜馬蹄同幾塊爽口竹筍。
羊腩主要係切成麻雀大細、冇皮既嫩肉，全部都好嫩滑有肉香，點埋附送既腐乳醬好好味~ 羊腩滑既程度係d肉一梳梳咁，如果你平時食雞只食翼同脾咁就岩哂，佢分分鐘仲滑過雞添。羊肉份量好多，食極都仲有添。
枝竹係有少少鞋口個種，滾一陣就食得，食到尾都唔會爛又入哂味，正！ 南乳湯底好香、咸淡適中，好怕湯底煲到尾會變左醬咁，呢煲食完料仲飲左幾啖湯。我地仲叫左碗白飯($12)黎送羊腩煲，其實我覺得就咁食餸都唔會咸，但有飯可以撈埋汁食唔好哂~ 生菜乾淨、多嫩葉，有畫龍點睛之效。
臘味田雞飯 $100
臘味田雞飯
$100
29 views
0 likes
0 comments
煲仔飯好足料，有4隻田雞腿，臘腸、膶腸、臘肉各二，仲有4舊菜心段。
白飯粒粒分明、晶瑩剔透，加埋味道清新既甜豉油聞落超香，落哂都唔會好重口味，仲食到米飯既甜味。
臘味田雞飯
$100
38 views
0 likes
0 comments
田雞腿僅僅熟，冇特別調味，新鮮彈牙。臘味肥瘦適中，食到應有既油脂香味得黎，又唔會整到成兜飯都係油。老實講我就唔太好膶腸既，試左一啖，原來同臘腸差唔多味，冇我印象中內臟既怪味喎！
臘味田雞飯
$100
20 views
0 likes
0 comments
重點係，成個煲仔飯底都有薄薄一層飯焦，可以輕易地一塊過刮出黎。飯焦用炭火猛火燒出黎，火候令每一粒米都熱到裂出幾條橫紋，近睇好似一條條虫咁。咬落去好香脆唔痴牙。呢種脆既感覺唔太熱氣，啪哂成塊都唔會喉嚨痛呀。從未試過煲仔飯可以食到一粒飯都唔剩，呢個煲食完乾淨到可以宜接煮下一煲。
煲仔飯即叫即整，冇得加單。建議大家黎可以叫埋其他小菜邊食邊等，如果唔係，分分鐘人地淨食小菜埋單走人你個飯都未到呀~ 我地今次等左大半個鐘，岩岩好食完個羊腩煲、隔離台食完5，6個小菜個時，個飯就到喇，眼見有人呆坐足咁耐先有得食呀陰公~
服務方面，基本上全店都忙到踢哂腳，但老細脾氣都好好，對等位客人幾友善；阿姐百忙中好細心，見客人個碗裝滿骨會主動幫手換，抵讚！
Post
