南記飯店 (Closed)

早幾日有事到九龍城，每次來這頭都係食泰國菜，今次就轉轉口味食潮州菜，上這裡找找，看這間的食評幾好，就決定來試試。我們叫了個二人世界餐，包括有潮州咸雞(例)、咸菜胡椒豬肚湯(小)、家鄉炒魚麵、潮州芥菜和甜品。潮州咸雞(例) - 一向唔多喜歡凍食，但這隻雞，凍食都唔差，雞肉唔韌，還帶有點點雞味，肥膏唔多，再加上醬汁就更加好味；難怪差不多每一都有叫。咸菜胡椒豬肚湯(小) - 胡椒味幾香，但唔夠濃，如可以再濃一點，就更好了。家鄉炒魚麵- 魚麵幾有咬口又好味，但放面的幾隻蝦就差，唔新鮮又腍，食半隻便放棄了。明知道這樣炒一定會好油，但又真係唔少。潮州芥菜- 芥菜一向唔多喜歡，因怕它的苦味，所以只食了少許。甜品- 綠豆沙，煲得都幾腍，又唔會太甜，可惜綠豆偏少；但在食店來說，已算好的了。食物都算幾好，價錢又唔貴，值得再來幫襯。